SPANISCHSCHUEL IN SANTIAGO DE CUBA
Mit eus in Santiago de Cuba die spanischi Sprach z’lerne isch die beschti Möglichkeit. Eusi Lehrer händ alli en Univeritätsabschluss und e grossi Erfahrig, Usländer im Spanisch z’unterrichte. D’Spanischlektione chönd bim Lehrer dihei oder, wänn Sie das wünsched, i Ihrem eigene Huus stattfinde. De Altersdurchschnitt vo eusne Schüeler isch ca. 30 Jahr und sie chömed hauptsächlich us Holland, Dütschland, de Schwiiz,Dänemark, Schwede, Öschterriich und Grossbritannie. Ab und zue chömed Studente vo Frankriich, Japan, Kanada und Finnland, um in Santiago de Cuba Spanisch z’lerne.

MINIGRUPPE
De Kurs für Minigruppe in Santiago de Cuba isch dadruuf uusgleit, Ihri Lektüre und Ihri Schrift zverbessere, genau so wie au Ihri Fähigkeite, eusi Sprach zverstah und zrede. De Kurs beinhaltet 4 Stunde pro Tag. Inere Minigruppe häts maximal foif, mindistens zwei Schüeler. Das Aagebot gits s’ganze Jahr dur.

EIS ZU EIS
De Eis-zu-eis-Kurs bestaht us zwei, drü oder vier Lektione pro Tag. Genau so wie bi de Minigruppe isch au das Aagebot s’ganze Jahr verfüegbar (ei Lektion gaht 50 Minute). Mir hend meh als 10 Lehrer i eusem Team. Mir empfehled d’Eis-zu-eis“-Kürs, damit d’Schüeler flexibler sind. Sie chönd eifach ein Tag oder mehreri Wuche studiere.
Wänn Sie für e längeri Zyt bliibed, isches au möglich, dLehrer zwächsle.

TANZKÜRS IN SANTIAGO DE CUBA
Sie chönd Ihres Studium mit es bitz Vergnüege verbinde. Dadezue büüted mir Tanzkürs (ei Stund pro Tag) mit Privatlehrer aa, nur für Sie. D’Tänz wo sie lerne chönd sind: Salsa, Reggae, Rumba, Son, Cha cha chá.

GASTFAMILIE IN SANTIAGO DE CUBA
Mir empfehled de Ufenthalt i Hüüser vo Familie, wo druf spezialisiert sind, Usländer zbeherberge. Die vo eusere Organisation usgläsene Familie bsitzed konfortabli, gmüetlichi und grossi Hüüser und befindet sich imne Wohnviertel, wo „Sueño“ (Schlaf/Traum) heisst. I dene Hüüser büüted mir Ihne Einzel- und Doppelzimmer mit
Zmorge und Znacht aa.

D’Doppelzimmer vermited mir aber nur für zwei Persone, wo mitenand reised. Alli Zimmer händ e Klimaalaag und es eignigs Badzimmer, de Chleiderwöschdienscht isch nöd inbegriffe. D’Familie kümmered sich für en chliine Zueschlag aber gern um Ihri Wösch.